İlk yaz ayınıñ 30-na keçken gecesi Ukrayinağa 107 Rusiye pilotsız uçaq ücüm etti, dep bildire Ukrayina Arbiy-deñiz quvetleriniñ Ava quvetleri.
Harkiv vilâyetiniñ Pesocın qasabasında ücüm neticesinde sekiz insan zarar kördi, olarnıñ arasında bir bala bar. Dergaçi şeerinde şahsiy müessiseniñ anbarı ve agro müessiseniñ binası yandı. Kurortnoye köyünde şifahane aşhanesinde yanğın çıqtı.
Dnipropetrovsk vilâyetinde gece devamında dört dron urulıp tüşürildi. Sinelnikovsk rayonında köy hocalığı müessisesi ve traktorlar zarar kördi. Nikopol rayonında şahsiy ev ve gaz borusı zarar kördi. Yaralanğan ve elâk olğanlar yoq, dep bildirdi vilâyet memuriyetiniñ yolbaşçısı Serğiy Lısak.
Rusiye arbiyleri çeşit silâ qullanıp, Ukrayina regionlarına muntazam sürette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturasına, vatandaş ealisini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri dep tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
